Visit Ethiopia ካሉት ፈርጀ-ብዙ የዲጂታል ቴክኖሎጂ ጠቀሜታዎችን ዉስጥ

የቱሪዝም ፀጋዎችን፣ የቱሪስት መዳረሻዎችን፣ የቱሪዝም ምርትና አገልግሎቶችን እንዲሁም የኢትዮጵያን ልዩ የቱሪዝም መገለጫዎችን በአንድ Online ስፍራ ለማስተዋወቅ ያስችላል፤

በቱሪዝም እሴት ሰንሰለት ውስጥ የተሰማሩ ቁልፍ የቱሪዝም ተዋንያን በአንድ ስፍራ የሚገናኙበት፣ አገልግሎቶቻቸውንና ምርቶቻቸውን የሚያስተዋውቁበት፣ የሚሸጡበት ከቱሪስቶች ጋር የሚገናኙበት ነው፡፡

ጎብኝዎች የኢትዮጵያን የቱሪዝም መስህቦች፣ አገልግሎቶች፣ ምርቶች እና የቱሪስት አገልግሎት ሰጭ ድርጅቶች የተመለከቱ ትክክለኛ እና ፈጣን መረጃዎችን ለማግኘት ያስችላቸዋል፡፡ የጉዞና ጉብኝት ፕሮግራሞችን መርጠው ለመግዛት ወይም የራሳቸውን የጉዞና ጉብኝት ፕሮግራም ለመቅረፅ ይረዳቸዋል፡፡

ፈጣንና ቀላል የBooking ስርዓት ይፈጥራል፡፡ ሁሉም አገልግሎት አቅራቢዎች በአንድ ስፍራ የማግኘት እድል ስለሚሰጥ የጎብኝዎችን አማራጮች ያሰፋል፡፡

ህጋዊ የቱሪስት አገልግሎት ሰጭ ተቋማትን ከህገወጦች ለመለየት እና ግልፅና ፍትሃዊ የቱሪዝም ንግድ ለማስፈን ያስችላል፡፡

ለቱሪዝም ዘርፍ ባለድርሻ አካላት አስተማማኝ የቅድመ መረጃ ምንጭ ሆኖ ያገለግላል፡፡

ጎብኝዎች ኢትዮጵያን ከጎበኙ በኋላ ስለነበራቸው ቆይታ እና እርካታ ግብረ መልስ የሚሰጡበት ስርዓት አለው፡፡

በጥቅሉ ይህ ፕላትፎርም የኢትዮጵያ ቱሪዝም የዲጅታል ሱቅ/መገበያያ መስኮት ወይም መደብር ነው፡፡